Van Huffelen: Ley di COHO por wordo ‘cambia y adapta’ eventualmente

DEN HAAG – Durante e debate den Eerste Kamer e siman aki, secretario di estado hulandes Alexandra van Huffelen a duna indicacion cu e ley di tanto COHO como Ley di LAFT ‘por wordo cambia y adapta’, si esey resulta necesario. Cu esaki, por compronde cu no ta asina manera tabata papia anteriormente, cu por a cambia solamente coma y punt, sino  cu por structura esaki diferente, pa e ta bon pa tur partido. Manera e mandatario a bisa, no tin sentido pa tin un ley di consensus si no e paisnan no ta sostene esaki. E mandatario a mustra tambe cu ta importante cu tur e islanan ta bon na altura di e contenido, pa cual lo duna un splicacion tecnico durante e proximo reunion di IPKO na St Maarten, durante e prome siman di mei. E presentacion lo tuma lugar door di e ambtenaarnan hulandes riba e tema. Y despues por presenta e preguntanan na gobierno pa na e nivel ey, trata esaki. Scucha sra van Huffelen door di click AKI.