Gobierno na CAft: Reduci recorte salarial na 5% y wanta recorte riba vakantie- uitkering

ORANJESTAD – Envez di elimina e recorte salarial di 12.6% completo, gobierno ta ofrece un recorte di 5% so. Loke gobierno ta mantene, ta e recorte riba vakantie- uitkering y e toeslag di 7.6%. Esey ta keda vigente segun e modelo cu gobierno ta bay ofrece CAft pa un conseho awor. Esaki a bira conoci diaranson ora cu hues a dicta sentencia contra sindicato SEPPA pa welga riba e tema di recorte. Den e sentencia, hues a limita e accion y mes momento a comparti e plan di gobierno cu e lo kier presenta na e colegio di supervision financiero CAft proximamente. 

GOBIERNO NA CAFt

Segun e sentencia, hues ta comparti e loke cu gobierno ‘tin pensa di presenta na CAft, of a presenta caba. No ta conoci si na momento di e sentencia di awe diaranson, cu gobierno a entrega CAft e proposicion caba. Hues ta considera e proposicion si algo ‘completamente diferente’ di loke ta e asunto di recorte salarial, mirando e contenido di e proposicion.