Grupo di ciclista riba bicicleta electrico a haci un ‘Full Moon ride’ durante Fin di siman Santo

Posted on 04/18/2022 3:46 pm AST | Updated on 04/18/2022 3:47 pm AST

ORANJESTAD – Den fin di siman Santo, un di e hopi actividadnan cu tabatin na Aruba, tabata un asina yama ‘Full Moon Bike ride’, di un grupo di ciclista riba bicicletanan electrico. Mas y mas e bicicletanan aki ta apareciendo na Aruba y por a mira cu e demanda poco poco ta subiendo. Un grupo cu tin e bicicletanan aki, a dicidi di probecha di e luna yen (no ta nan prome biaha cu ta core bou di luna yen) y haci bishita na algun areanan bunita di Aruba. 

BICICLETA ELECTRICO

E Bicicleta electrico aki ta un bicicleta practicamente ‘normal’, cu tin un motor cu ta yuda e persona den momentonan di reto. Esaki no kier men cu e persona no ta stop di peddel, pero mas bien ta asisti esaki den momentonan di p.e. subida of hopi biento. Contrario na pensamento, a kere cu esaki no por conta como un deporte ‘serio’ y cu esaki ta mas bien pa ciclistanan ‘floho’. Pero tempo a mustra cu esaki no ta e caso y cu debidamente, e bicicleta aki ta percura pa e ciclista haya su ehercicio debido. Como tal, e percepcion robez, mas y mas ta wordo kita y mas y mas persona a cuminsa inverti den esaki. Ademas, mirando e prijs caro di gasoline, esaki por ta un inversion pa futuro cercano pa e transporte diario. 

  • Mas di 130 ciclista a participa den e Ride of Silence na Aruba

    Mas di 130 ciclista a participa den e Ride of Silence na Aruba

    ORANJESTAD – Algo mas di 130 ciclista di varios grupo di ciclista y tambe esnan individual na Aruba diaranson atardi a participa na e ‘Ride of Silence’, cu ta un corida silencioso di bicicleta pa recorda ciclistanan cu a fayece of y keda herida a consecuencia di un accidente di trafico cu nan bicicleta riba caminda publico. Esaki ta e di 20 biaha cu tal careda ta tuma lugar, cu excepcion di e ultimo 2 añanan debi na e pandemia. E grupo a topa dilanti Plaza Libertador y a subi caminda y usa un ruta publico di 2 kilometer cu a hiba nan e.o den Vondellaan, Wilhelminastraat, LG Smith Boulevard unda cu nan a tene un minuto di silencio na memoria di e cicilistanan cu a fayece tragicamente. Despues a sigui core riba LG Smith Blv, bira na Wendys y sigui nan ruta y bolbe unda cu nan a cuminsa, esta dilanti di Plaza Libertador Betico Croes. E ruta no tabata largo, pero e cantidad di ciclista cu a uni, tabata impresionante. Hopi di e ekiponan di ciclista a bin den nan uniforma, y a mustra un colegialidad increibel manera semper, hunto cu esnan cu no ta pertenece na un club y tambe kier a participa. E tabata un bon momento Deportivo, pa mustra con cos por bay den harmonia. Na final a topa cu e cicilista cu a acidenta algun aña atras (2017), Rechenell Statie, ora cu un auto a dal e durante cu e tabata entrena riba cu bicicleta den Colony. E la keda den rolstoel y ta den proceso di rehabilitacion. 

  • Aruba International Regatta na caminda pa luna di Augustus

    Aruba International Regatta na caminda pa luna di Augustus

    ORANJESTAD - Aruba International Regatta na caminda pa luna di Augustus. Aruba su pareha di bida mas importante ta e lama rond du nos. Puntra bo mes: Cua tabata e ultimo biaha cu bo a bay lama? Pa landa? Snorkel? Sailing? Bishitantenan ta paga hopi placa pa bini Aruba y landa cu e tortuganan, mientras cu mayoria di nos ta neglisha nan existencia. E evento venidero di Aruba International Regatta kier recorda nos cu e Blue Highway ta habri y obtenibel no solamente pa negoshi pero tambe pa diversion.

  • Di 30 Buelta di Aruba ta bai cuminsa

    Di 30 Buelta di Aruba ta bai cuminsa

    ORANJESTAD - Riba anochi di 20 di Mei 2022 e di 30 edishon di e Buelta di Aruba ta bai start. E evenemento di careda, organisa pa Kazerne di Marina Savaneta, ya ta existi desde 1971. Dos marinier un tempu pasa a reta nan mes pa core 'solo' ront e isla. Desde e momento ei e idea aki a crese bira un evenemento cu anualmente ta ripiti.  E distancia ta 72 kilometer di largura, locual pa gran parti ta sigui a lo largo di costa di e isla y ta un di e caredanan di mas pisa i largo den Region Caribe.  Gobernador di Aruba, Su Ekselensia Alfonso Boekhoudt, a duna e disparo pa salida.

  • Denzel Dumfries contento cu a nombra tereno na su nomber!

    Denzel Dumfries contento cu a nombra tereno na su nomber!

    MILAN – “E ta un momento masha special pa mi” e futbolista professional di e ekipo di Inter di Italia y di mayornan Arubiano, Denzel Dumfries a bisa recientemente ora cu e la tende di e gesto di gobierno di Aruba. “Mi ta bisa tur mucho di Aruba pa diverti y pasa e ratonan mas dushi posibel. Sigui boso soño!”, segun e portal di e club na cual Dumfries ta pertenece awor, esta Internews. Tabata siman pasa cu e Fundacion Cruijff a rindi homenahe na e futbolista ora cu a converti e nomber di e cancha na Jaburibari na cancha Denzel Dumfries. E futbolista mes lo ta na Aruba na juni proximo pa apertura di un torneo di weganan escolar. Potret cortesia Internews. 

  • Nomber di e veld na Jaburibari a cambia pa Cruyff Court Denzel Dumfries

    Nomber di e veld na Jaburibari a cambia pa Cruyff Court Denzel Dumfries

    ORANJESTAD – E nomber di e veld na Jaburibari a cambia pa Cruyff Court Denzel Dumfries e siman aki. A dicidi pa haci e cambio y a inclui e nomber di un heroe deportista local Denzel Dumfries, cu hopi hoben ta admira. Cruyff Court Denzel Dumfries a keda den miho condicion pa asina nos hobennan por practica nan deporte. 

  • Xander Bogaerts ta ricibi su di 4 premio anual pa su bateo

    Xander Bogaerts ta ricibi su di 4 premio anual pa su bateo

    BOSTON – E pelotero professional di Aruba Xander Bogaerts a ricibi su di 4 premio pa su bateo, conoci como e Silver Slugger Award. Esaki ta pa su trabou di aña pasa. E aña aki cos ta mustra cu e ta bayendo pa e di 5, cu un forma hopi productivo unda cu e la bati algun dia largo 4 biaha durante su turno. Y nada ta mustra cu su futuro cu e ekipo actual ta ‘na peliger’. Manera ta conoci, no ta sigur cu fin di e temporada e lo sigui cu e ekipo. 

  • Powered by SETAR