ORANJESTAD - Na Maart ocupacion di hotel a recupera 83% compara cu 2019. Asina Aruba Hotel & Tourism Association (AHATA) a informa diamars. AHATA, manera ta conoci, ta acumula e cifranan di ocupacion y prijs di hotelnan tur luna, y ta raporta cu grado di ocupacion na Maart 2022 tabata 74%.
MAART 2022:
- Ocupacion: E grado di ocupacion tabata 74%; un r recuperacion di 83% compara cu ocupacion di 2019.
- ADR: E balor averahe di cada camber bendi tabata $353.31, cual ta 4% mas cu na 2019.
- RevPAR: E entrada averahe pa tur camber disponibel tabata $261.68, cual ta un recuperacion di 87% compara cu RevPAR di
PROYECCION
Ta proyecta un recuperacion fuerte pa luna di April y Mei. Expectativa pa ful aña 2022 su ocupacion ta 74%, cual ta representa un recuperacion di 87% compara cu ocupacion di 2019.
TIMESHARE:
Ocupacion na propiedadnan Timeshare tabata 90% na Maart y proyeccion pa April ta 87%.
Hotel miembro di AHATA: Amsterdam Manor Beach Resort, Barceló Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Paradera Park, Renaissance Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel.
Timeshare miembro di AHATA: Divi Aruba Phoenix, Divi Dutch Village, Divi Village Golf, La Cabana, Marriott Ocean Club, Marriott Surf Club.
ORANJESTAD - ATIA kier sa kico pueblo ta haya a cambio di e indexering pa trahadonan publico . Asina e gremio comercial ta bisa como prome reaccion riba e hecho cu gobierno a firma pa duna trahadonan publico indexering. E gremio ta bisa di a tuma nota den medianan social cu tur ambtenaar y gelijkgestelden lo bai haya un indexering den dos taza, uno na juli di 6% y pa 1 januari 2025 di 5.7%. Como gremio comercial representanto companianan priva y semi-gubernamental, nos di Aruba Trade and Industry Association (ATIA) tin algun pregunta over di kico nos como pagado di impuesto lo haya a cambio di e indexering. “No mester compronde robes, nos ta pro cu tur empleado na Aruba merece nan debido salario, pero mester tambe bin a cambio di “performance”, aumento di productividad. Den e acuerdo no tin nada cu Gobierno, como representante di pueblo, ta pone a cambio di un indexering” e director di ATIA, Herrick Henriquez ta sigui bisa.
ORANJESTAD - Conforme e ley di A.T.A., tur aña tin dos momento importante, e prome ta ora di entrega e Rapport Anual cu e resultadonan di e aña anterior y e di dos ta ora di haci entrega di e presupuesto pa e aña siguiente. Segun ATA, tur aña A.T.A. nan a sa di cumpli debidamente cu entrega di e Rapport Anual, incluyendo resumen di resultadonan y di trabao haci, como tambe e relato financiero cu su respectivo ‘goedkeurende verklaring.’
ORANJESTAD - Riba Diabierna 19 di april 2024 den su reunion general di miembrecia, a elegi e hunta di directiva di Aruba Trade and Instustry Association (ATIA). Durante e prome encuentro di e hunta di directiva nobo a elegi e hunta di directiva diario esta e “Daily Board” pa 2024 - 2025.