Oduber: Dialuna Merca ta cambia nivel pa biaha pa Aruba bek pa # 3

ORANJESTAD – Entrante dialuna awor, 11 di April 2022, Center for Disease Control (CDC) ta cambia e nivel di risico pa biaha pa Aruba porfin atrobe! Por lo menos segun minister di turismo Dangui Oduber cu a post esaki riba su pagina di Facebook dabierna mainta. “ Entrante 11 april 2022 CDC ta cambia e level risk pa Aruba di level 4 pa level 3” e mandatario a sigura. Y manera cu e mes a pone, ‘cu e cambio aki nos lo por spera mas turista’. Ta conoci manera cu noticiacla a raporta varios biaha caba, tin propiedadnan hotelero pa motibo di nan standard, no por ricibi cierto turistanan ora cu e nivel di biahe tabata riba nivel 4. Ta trata di por lo menos dos hotel di nivel halto. Cu e cambio aki, esey ta cambia. Tambe por cuminsa spera turistanan den grupo, manera biahero pa incentivo, conoci como MICE (Meetings Incentive )bolbe Aruba atrobe. For di December di aña pasa a cambia e status ora cu e ultimo ola di Covid19 a dal Aruba formalmente.