Trabounan di rotonde na Palm Beach ta avansando poco poco

PALM BEACH – E siman aki, e prome di 6 lunanan stipula pa traha e super rotonde na Palm Beach ta pasa. E siman aki DOW a pone un drone video pa mustra e avansenan poco poco di e rotonde. Manera ta conoci, e prome fase lo dura tres luna, (un banda di caminda) y e otro tres luna ta pa e otro banda di caminda. A haya hopi critica di e duracion pa e rotonde, indicando cu otro caminda trahamento di un rotonde ta dura hopi menos cu aki. Por mira riba e screenshot di e video, con e trabounan principal aworaki ta esnan bou di tera, di utilidad, pa despues e trabounan mes di e rotonde cuminsa. Ta mira tambe cu parcialmente e la cuminsa haya e ‘forma’ di un rotonde, aunke falta ainda. A compronde cu e intencion ta pa termina esaki den menos tempo cu a premira inicialmente.