Mayoria abogado kier pa inclui declaracion di Sevinger na polis, den caso Avestruz

ORANJESTAD – Mayoria abogado diabierna mainta a pidi hues  pa inclui declaracion di Sevinger na polis durante su interogacion, den e tratamento di e caso Avestruz. Manera noticiacla a raporta awe mainta caba, tabata awe pa 11’or di mainta cu un hues di Hulanda (pa evita parcialidad) a cuminsa trata e di dos regiezitting di e caso. Y mescos cu e biaha anterior, e 12 sospechosonan no tabata presente. Esaki pa e.o. evita un circo mediatico innecesario awor caba.  

KEN A REPRESENTA KEN

Manera por a spera, tabatin varios abogado pa representa e cantidad di sospechoso y esey no tabata diferente awe mainta. Sospechoso  E.Biemans a wordo representa pa mr. Oomen, Franklin Abath pa mr. Maldonado, Frederic Every pa mr. Carlo, Mary Winterdaal Met Chomff pa mr. Emerencia, de Hoogd , Edgar Werleman y Ninosca Nuñez pa mr. Oomen, Oslin Sevinger pa mr. Kock y mr. Illes,  , Maria Arends pa mr. Canwood, Pieter Susebeek pa mr. Kock y mr. Illes, Carlo Mansur, Reina Richardson pa mr. Arendsz Marchena , Curt Douglas Harms,  .

BIEMANS

Den caso di e sospechoso Biemans, su abogado Mr. Oomen   a bisa cu den su peticion e por a compronde cu Fiscal no tin nada contra pa scucha e sospechosonan Abath y Sevinger como testigo. Aki Fiscal no a bisa nada di scucha Winterdaal y un otro. Den e caso di Werleman y Nunez,  a bisa cu kier pa inclui declaracion Sevinger pa cu e asunto di cumpramento di tereno.

SCUCHA TESTIMONIO DI SEVINGER

Manera indica inicialmente, mayoria abogado a pidi pa inclui e declaracion di Sevinger na polis. Pero no pa e motibo cu ta sospecha, esta pa prueba culpabilidad. E motibo ta pa meramente mustra cu esaki ta e forma di opera tur tempo, y como tal no tin nada malo tumando lugar, manera cu e fiscal ta pretende.   

SCUCHA TESTIGONAN

Abogado Mr. Maldonado a pidi pa scucha Sevinger y Biemans como testigo. Abogadonan Mr. Carlo, Canwood y Arendsz Marchena tambe a presenta un lista di testigo pero mayoria ta mesun personanan nan kier scucha. 

CABA COS LIHE

Abogado principal di e sospechoso principal, esta mr David Kock a mustra cu ta parce cu Fiscal kier pa caba e caso aki mas liher cu ta posibel, siendo cu ainda tin documentonan confisca di su clientenan Sevinger y Susebeek, cu e mester pa por prepara pa e caso. Como tal a exigi pa debolbe e material confisca pa asina por traha riba e caso. Y a pidi tambe pa scucha algun persona d Orco Bank di Corsou, basa riba info cu tin cuentanan bancario cu lo ta liga cu e caso. Hues no a pone un fecha pa e caso final tuma lugar, pero mas bien a palabra cu otro siman diamars Fiscal ta duna su reaccion sigui pa diaranson ora cu huez duna su punto di bista. E ora hues a cera e caso. Pues ainda no tin fecha pa e caso realmente tuma lugar.