Comediante Chris Rock a yega Aruba di sorpresa pa tuma break di tur cos

MIAMI – Despues cu e la inicia cu su tour atrobe diaranson ultimo, e comediante mericano Chris Rock a dicidi pa toch tuma un break spontaneo, ya cu e emocion di loke a sosode diadomingo durante e premio Oscar tabata mucho grandi p’e. E la purba disimula durante su prome show diaranson ultimo, pero ya na final esaki no tabata bay mas. Diahuebs su team a conseha pa e bula afo un rato, y pa suerte di nos, Aruba a bira e isla cu e team di Rock a scohe pa e haci su ‘escape’ y pasa algun dia. Despues di su show diahuebs anochi, e la co’i un avion priva y yega Aruba den oranan di marduga, pa evita publicidad. Lamentablemente tabatin hendenan atento cu a reconoce, y a tuma potret y comparti esaki cu Noticiacla. Como reaccion pa noticiacla, ni oficina di turismo no tabata na altura, pero a haya e noticia spectacular.” Mi ta spera cu nos isla por dune e energia y trankilidad cu e mester aworaki pa bin bey’” tabata palabra di gerente di ATA, Ronella Croes.