- WEMA ta cera su porta na nan succursal di Santa Cruz
- DVG: Kiko ta un Vacuna y dicon Vacuna?
- FADA: Micheal Geerman ta conta di su tempo di drogadiccion diahuebs riba noticiacla
- Dialuna awor Hulanda ta laga sa cuanto vacuna Aruba ta ricibi
- Na Hulanda a confisca auto y cuenta di banco di esnan haciendo disturbio durante Toque de Queda
'El Principe de Aruba' Hildward Croes (dfm) honra cu un caya
ORANJESTAD - Diahuebs atardi a tuma luga e desvelacion di e caya cu ta wordo nombra tras di un gran musico Arubiano, señor Hilward Croes den feliz memoria. Prome Minister na e ocacion a expresa bunita palabranan di forsa na famianan presente y den su discurso el a enfatisa e legado musical cu Hilward Croes a laga atras.
“Ta practicamente imposibel menciona e palabra ‘MUSIC’ sin pensa riba Hildward Croes. Manera su letranan mes ta bisa: ‘Music is we language. Music is we living wage. Music is we bondage. Music is we iron cage. Music is we bandage. Music is we beverage. Music is we message....’.
Si nos para keto un rato na e escogencia di e palabranan aki, e ta un refleho di con profundo musica a biba den su alma y ser. Musica tabata su amor. Musica tabata su pasion. Musica tabata su consuelo. Musica tabata su determinacion. Musica tabata su aliento. Musica tabata su animo. Musica tabata.... su bida.
Hildward cu musica tabata uno. Un talento asina grandi cu ora bo wak bek riba su trayectoria, bo ta realisa cu su talento tabata un don di Dios cu Hildward a haya como bendicion.
Aruba a keda chikito pa Hildward su talento. No a tarda hopi cu artistanan di taya internacional a tende di Hildward Croes. Esaki a conduci Hildward na compaña artistanan manera Wilfrido Vargas y Juan Luis Guerra riba tarimanan internacional, rond mundo, dilanti publiconan di miles y miles di hende.
Como sifuera poco: Hildward Croes a wordo galardona cu e premio maximo den mundo di musica internacional: awe Aruba tin un GRAMMY na su nomber danki na Hildward Croes.
Cierto momento den su carera internacional, el a cuminsa haya nostalgia pa su hogar Aruba y Hildward a bolbe bek y na e momento oportuno. Nos ta yam’e destino. Betico Croes ta fayece y Hildward ta gara e bandera musical di Betico y su grupo. Awe Grupo di Betico. Hunto cu Grupo di Betico el a mantene nos tradicion di dande y fin di aña bibo.
Hildward su contribucion na nos cultura tabata grandi y diverso. Su talento musical tabata asina dinamico cu den tur genero el a cosecha exito. Hildward su vision musical tabata hopi adelanta y ambicioso. Esaki a haci cu el a sa di distingui su mes como e creador di un genero musical cu e ta introduci den Aruba su Carnaval: e asina yama *soca trance*. Un genero cu a causa furor bou dje hobennan y comosion bou di e grandinan. Awe cu orguyo nos por bisa cu su legado cu Dushi Band ta graba den historia musical di Aruba su Carnaval pa semper.
Lastimamente Bida a result'e demasiado cortico y no a logra concretisa tur su metanan. Hildward a laga atras un herencia musical rico y Gobierno di Aruba awe ta inmortalisa su legado inaugurando Caya Hildward Croes, na su cas na Cumana.
Inauguracion di oficina nobo di Stichting Bob
ORANJESTAD - Diamars mainta, Prome Minister Evelyn Wever-Croes tawata presente na e inauguracion di e oficina nobo di BOB cu awor ta ubica cerca di HOH. Den su discurso na e inauguracion, Prome Minister a gradici Stichting BOB pa e trabou y esfuersonan cu nan ta haci pa brinda e sernan femenino un miho calidad di bida.
Wendys Aruba a saca ganador di auto nobo di nan Loyalty Campaign
Piloto femenino local a organiza entrega di regalo pa esnan menos afortuna via Slachtoffer Hulp y FCVR
ORANJESTAD - E conocido piloto femenino di Aruba Airlines Marrit Gorter, hunto cu su coleganan di Aruba Airlines y cu coordinashon di empleadonan di AAA NV, American Airlines, United Airlines, Delta Airlines, JetBlue, SouthWest, GenAir and AGS a colecta mas cu 350 regalo pa un Toy Drive cu el a organiza. Tur regalo a wordo parti pa e muchanan cu posiblemente no a ricibi bishita pa Santa Claus e aña ki. Por a laga e regalonan na e.o. Raphaelle Hair Studio y FX Sports unda hopi cliente a mustra nan generosidad door di haci donacion di regalo.
AHATA a reconoce empleadonan ehemplar di 2020
Hospital cu deseonan di fin di aña den forma di un video yena di alegria
ORANJESTAD - Countdown a cuminsa pa final di 2020 y 2021 ta mas cerca cada bes. Asina nos ta yega na final di un an?a impactante. Segun un comunicado di hospital diamars, Aruba completo por ta sumamente orguyoso con e profesionalnan a maneha un aña cu tabatin asina hopi impacto mundialmente y tambe riba Hospital y comunidad di Aruba. P’esey dr. Horacio E. Oduber Hospital kier a trece alegria den tur hende nan curason bailando y gosando den forma di un video di fin di aña.
Welcome Snack ta presenta su deseonan di fin di aña
ORANJESTAD - Den aña 2020, Welcome Snack situa den De La Salle Straat a sigui ofrece su clientenan e mes bon servicio di semper, no obstante e retonan di COVID19. Faltando apenas algun dia pa aña 2020 termina, e famia di Welcome Snack ta manda su mensahe di fin di aña y ta spera bo bek den 2021.
Follow NoticiaCla
