Despues di 13 aña di espera, GTA VI ta logra  puntuacion casi  perfecto

Despues di 13 aña di espera, GTA VI ta logra puntuacion casi perfecto

Posted on 11/19/2026, 2:36 PM AST | Updated on 11/19/2026, 2:36 PM AST

MIAMI — Despues di 13 aña di espera, Grand Theft Auto VI (GTA VI) di Rockstar Games a sali oficialmente diahuebs 19 di november 2026, ricibiendo elogionan extraordinario di criticonan internacional.

Mas di 150 critico a evalua e wega, cu a logra un puntuacion di 99 di 100 riba Metacritic, igualando e record historico di The Legend of Zelda: Ocarina of Time di 1998. E resultado ta pone GTA VI entre e weganan miho evalua di tur tempo. 

E historia ta sigui Jason y Lucia, dos protagonista den un relacion romantico envolvi den mundo criminal di Vice City, un ciudad ficticio inspira pa Miami.

Criticonan di medionan manera The New York Times, IGN, The Guardian y The Washington Post a destaca e nivel extraordinario di realismo, detayenan grafico y profundidad di e historia. Segun nan, Rockstar a crea un mundo virtual cu ta establece un standard nobo pa industria di wega.

E entusiasmo ta grandi. Miyones di fanaticonan a reserva e wega, cu ta costa aproximadamente US$80, mientras algun empleado a tuma vakantie pa dedica tempo na su lansamento. Compania Logitech hasta a duna su empleadonan dia liber pa e ocasion.

Cu su debut, GTA VI ta confirma su posicion como un di e lansamentonan di entretenimiento mas importante di 2026, cumpliendo, segun e prome evaluacionnan, cu expectativa di fanaticonan despues di mas di un decada di espera.