SHENZHEN — Presidente mericano Donald Trump, presidente chino Xi Jinping y presidente ruso Vladimir Putin a conclui nan prome reunion conhunto diahuebs 19 di november na China, cu critica fuerte contra Corte Penal Internacional (ICC), pero sin anuncia hopi acuerdo concreto.
Durante e encuentro di aproximadamente un ora y mey, e tres lidernan a discuti seguridad internacional, armamento nuclear y cooperacion entre nan paisnan. Den nan declaracion conhunto, nan a expresa cu Corte Penal Internacional no mester abusa di su hurisdiccion y cu inmunidad di funcionarionan gubernamental mester wordo respeta. Merca, China y Rusia no ta miembro di e Corte.
E lidernan a reconoce tambe importancia di Nacionnan Uni, pero a pidi reforma pa e organisacion por responde miho na retonan mundial.
Armamento nuclear y guerra na Ucrania tabata entre e temanan principal. Xi a expresa su deseo pa elimina armamento nuclear, mientras Trump a propone un acuerdo nobo di control di armamento cu Rusia, incluyendo China.
Putin a confirma cu el a discuti guerra na Ucrania cu Trump y Xi, pero e conflicto no a wordo menciona den e declaracion final.
E tres paisnan a expresa nan intencion di sigui dialoga tocante reduccion di riesgo nuclear y prevencion di proliferacion di arma nuclear. Sinembargo, e reunion no a produci un acuerdo concreto pa reduci arsenalnan nuclear ni pa termina guerra na Ucrania