Crisis den gabinete ta retrasa biahe di minister Letschert pa Caribe

Crisis den gabinete ta retrasa biahe di minister Letschert pa Caribe

Posted on 11/16/2026, 6:33 AM AST | Updated on 11/16/2026, 6:34 AM AST

DEN HAAG — Minister hulandes di Enseñansa, Cultura y Ciencia, Rianne Letschert, a pospone su salida pa Caribe debi na e crisis den gabinete hulandes. Su programa original tabata inclui un bishita na Aruba diabierna.

Letschert lo a biaha dialuna pa Sint Maarten pa participa diamars y diaranson den e reunion ministerial di Enseñansa, Cultura y Ciencia di e cuater paisnan di Reino (M4LO). Sinembargo, e ta keda na Hulanda pa por atende un eventual reunion di Conseho di Minister, mientras D66, CDA y VVD ta sigui negocia tocante futuro di e coalicion.

Segun su vocero, e bishita di trabao no a wordo cancela ainda. Tin speransa cu e minister por biaha mas laat den siman, aunke e lo no alcanza apertura di e reunion diamars.

E programa original tabata inclui Curaçao diahuebs y Aruba diabierna. Pa prome biaha, representantenan di Bonaire, Sint Eustatius y Saba tambe lo participa den e M4LO.