ORANJESTAD — Un grupo di 12 studiante di polis di e klas N2-2026 a presta huramento durante un ceremonia oficial na Centro di Bario Brazil, dia 6 di november 2026, marcando un paso importante den nan formacion pa bira agente policial.
E ceremonia a conta cu presencia di Minister di Husticia Arthur Dowers, Procurador General Amalin Flanegin, altocomisario Ramon Arnhem, hefe di Scol pa Polis Sherina Arrindell, representantenan di mando policial y famianan di e studiantenan.
Durante e acto, e autoridadnan a dirigi palabra na e futuro agentenan, deseando nan forsa, sabiduria y exito den e profesion cu nan a scohe.
E 12 studiantenan cu a presta huramento ta M.R. Tromp, A. Nunez Garcia, R. Henriquez, E.G.R. Slenders, L.A. Tromp, J.A. Tromp, B.J. Geerman, J.J.J. Ignacio, A.R. Bufalini, K.A. van der Linde, J.C.S. Tromp y R.J. Boekhoudt.