ORANJESTAD — Aruba Fashion Week ta celebra su di 10 aniversario cu e edicion Winds of Fashion, cu ta cuminsa e siman aki, diahuebs 19 di november, y ta continua te diasabra 21 di november 2026 na Tierra del Sol Aruba by Iberostar. E evento ta reuni diseñadornan Arubano y internacional pa dos anochi di desfile di moda, musica en bibo, fiesta y un showroom unda publico por cumpra creacionnan di e diseñadornan.
E celebracion ta cuminsa diahuebs pa 5’or di atardi cu apertura di e showroom, sigui pa e evento inaugural pa 8’or di anochi, cu entretenimento musical y DJnan internacional.
Diabierna 20 di november, e pasarela ta habri pa 7’or di anochi cu Custo Barcelona di Spaña, sigui pa Carmen Steffens di Brasil, US Polo, Diego Guarnizo di Colombia y Eugenia Lemos di Chile. Diseñadora Arubano Elisa Lejuez ta cera e prome anochi di desfile.
Diasabra 21 di november, e programa ta cuminsa pa 6’or di atardi cu Felipe Cartagena di Colombia. Otro participantenan ta Alado, Lizeth Cueter, Adidas, diseñadora Arubano Alydia Wever y Jorge Rey di Argentina. E marca local Maison Ryon ta cera e edicion di aniversario.
Ademas di e desfilenan, bishitantenan por disfruta di musica, cuminda, bebida y fiestanan despues di e presentacionnan.