Aruba inclui den rutanan nobo di Carnival Cruise Line pa 2028 y 2029

ORANJESTAD — Aruba ta figura entre e destinacionnan di Carnival Cruise Line pa temporada 2028-2029, como parti di un programa nobo di mas cu 300 crucero cu lo sali for di Port Canaveral, Florida, cu cinco barco.

Segun e anuncio di Carnival di 5 di november, Carnival Festivale lo ofrece cruceronan di ocho dia pa Caribe Sur, incluyendo bishita na Aruba y Curaçao. E barco lo opera tambe rutanan pa Caribe Oriental.

Ademas, Carnival Breeze lo ofrece cuater crucero di 14 dia, entre october 2028 y februari 2029, bao e programa Carnival Journeys. E biahenan aki lo inclui Aruba entre 13 destinacion den Caribe Sur, hunto cu Curaçao, Barbados, Grenada, St. Lucia y otro islanan.

E programa completo ta inclui cinco barco: Carnival Breeze, Carnival Firenze, Carnival Festivale, Carnival Glory y Mardi Gras, cu crucerionan di tres te 14 dia.

Pa Aruba, e anuncio ta confirma cu e isla lo sigui figura den rutanan di crucero di Carnival durante temporada 2028-2029, creando oportunidad pa ricibi bishitantenan adicional den sector turistico y comercial.