Serie di alarma di bom den avion na Europa a continua; KLM controla na Schiphol

AMSTERDAM — Pa di tres biaha e siman aki, diferente aeropuerto na Europa a ricibi alarma di bom den avion. Un buelo di KLM di Praga pa Amsterdam a aterisa na Schiphol, unda autoridadnan a inspecciona e avion sin haya ningun explosivo, segun Koninklijke Marechaussee.

E alarmanan nobo ta involve buelonan entre Portugal, Bulgaria, Hulanda, Republica Checa, Dinamarca y Francia. Na Praga, por lo menos nuebe vuelo a wordo afecta, mientras cu autoridadnan na Copenhagen y Bulgaria tambe a investiga amenaza similar.

Na Dublin, sede di emisora publico RTE a wordo evacua despues di un alarma di bom, obligando cancelacion di transmisionnan en vivo.

Te awor, e alarmanan investiga durante e dianan anterior a resulta falso. Autoridadnan no sa ainda ken ta responsabel. E incidentenan ta coincidi cu atakenan cibernetico cu a afecta diferente servicio na Europa, pero no tin prueba cu nan ta conecta.