Corendon ta dividi compañia den tres division independiente

AMSTERDAM — Compañia di biahe Corendon ta reorganisa su structura empresarial, separando su actividadnan den tres division independiente: e touroperator, compañia aereo Corendon Dutch Airlines y su division di hotelnan. E cambio tin como meta pa duna cada parti mas libertad comercial y operacional.

Segun informacion publica pa NU.cw, e separacion lo permiti e touroperator pa cumpra ticket di avion cerca di otro compañianan aereo, mientras cu Corendon Dutch Airlines por bende su asientonan na otro organisacionnan di biahe.

Gun ay Uslu, kende despues di casi tres aña ta laga su funcion como CEO di Corendon, lo permanece temporalmente den e empresa como director di e touroperator, te cu un sucesor wordo nombra. "Nos kier ta cambia y no simplemente keda warda", Uslu a declara na diario De Telegraaf. Cada un di e tres divisionnan lo haya su propio directiva.

Durante su periodo di transicion, Uslu lo concentra riba estrategia a largo plaso, cooperacion entre e divisionnan y desaroyo di producto nobo.

Segun portavoz di Corendon, Jules van der Ven, e reorganisacion no lo trece cambio pa viaheronan. Ta spera cu e separacion empresarial lo keda completa rond di 1 april 2027.