Error humano posiblemente causa di tragedia di trein na Spaña

MADRID — Grabacionnan di audio publica pa diario El País ta indica cu posiblemente un error humano a contribui na e tragedia di trein na Spaña, cu a costa bida di 69 persona y laga alrededor di 60 herido.

Despues di un fayo tecnico, central di trafico di trein a autorisa un trein di velocidad halto pa sigui na velocidad normal, mientras protocol tabata exigi un velocidad maximo di 40 kilometer pa ora. Cinco minuut despues, e trein a dal contra un otro trein cu tabata para riba e mesun ruta.

Polis ta investiga e instruccionnan duna pa central di trafico. Spaña a declara tres dia di luto nacional, mientras operacionnan di rescate ta continua.