CBS: Inflacion na Aruba ta yega 3% y bestaansminimum ta subi atrobe

ORANJESTAD — Inflacion anual na Aruba a yega 3% na september 2026, mientras cu prijsnan a subi 0.3% compara cu augustus. Esaki ta surgi for di e ultimo cifranan di Oficina Central di Estadistica (CBS), publica diaranson 28 di oktober.

E aumentonan di prijs mas notable durante september tabata den sector di salud (4.4%), mobilario (1.1%) y transporte (0.4%). Prijsnan di cuminda a subi 2.3% den e promedio anual.

Segun CBS, e bestaansminimum mensual pa un persona so a subi na Afl. 2.700, mientras cu pa un famia di dos adulto y dos mucha e suma ta Afl. 5.669.

Cu salario minimo mensual di Afl. 2.007, un trahado so ta enfrenta un diferencia di Afl. 693 pa yega na e bestaansminimum. Incluyendo e reparatietoeslag di Afl. 175 pa trahadonan eligibel, e diferencia ta baha na Afl. 518.

E cifranan ta mustra cu costo di bida na Aruba ta sigui aumentando, mientras cu salario minimo ainda ta considerablemente abou di e nivel cu CBS ta considera necesario pa un existencia digno.