Fiscal ta pidi castigo mas severo den caso New York (caso di periodista cu radio di polis)

ORANJESTAD — Ministerio Publico ta pidi Corte Comun di Husticia pa impone un castigo di prison incondicional mas severo contra e acusado Nelson ‘Speed’ de Andrate den e caso di corupcion y violacion di secreto profesional conoci como New York.

Durante e apelacion di 26 di oktober dialuna ultimo manera cu noticiacla a raporta anteriormente, e acusado a acepta e hechonan cu hues di Prome Instancia a considera proba, pero ta cuestiona e castigo di 18 luna di prison, di cual 12 luna ta condicional. Esaki ta nifica cu e castigo original ta inclui 6 luna di prison efectivo.

Segun Ministerio Publico, e acusado a comete e hechonan mientras e tabata den periodo di prueba pa un condena anterior pa hechonan similar. Pesei, Fiscal ta insiste riba un castigo efectivo mas pisa.

Den e caso New York, cinco persona a wordo condena pa delitonan relaciona cu corupcion y divulgacion ilegal di informacion confidencial entre 2021 y 2023, incluyendo un agente policial y periodista. Cuater di e condenanan a bira definitivo.

Ministerio Publico ta enfatisa cu libertad di prensa no ta duna derecho pa viola ley, y cu Corte no a encontra circunstancianan excepcional cu por hustifica e actuacionnan.

Corte Comun lo dicta sentencia dia 17 di november 2026.