Banco Central ta alerta pa casnan mas caro y riesgo den sistema di pago na Aruba

ORANJESTAD — Banco Central di Aruba (CBA) ta alerta cu inversionnan stranhero den propiedad por haci casnan y terreno mas caro pa residentenan local. Tambe, aumento internacional den prijs di energia, transporte y cuminda ta pone mas presion riba costo di bida na Aruba.

Durante reunionnan internacional cu FMI y Banco Mundial, CBA a expresa preocupacion tocante ataque cibernetico cu por interumpi sistema di pago y afecta banco, empresa y consumido.

Presidente di CBA, Thomas Domhoff, ta enfatisa cu crecemento economico so no ta suficiente. Aruba mester un economia mas resistente, caminda tur ciudadano por beneficia di e progreso.

CBA ta pidi mas colaboracion entre gobierno, institucionnan financiero y otro organisacionnan pa protehstabilidad economico y sistema di pago di Aruba.