Congreso ta prepara educadornan pa reconoce autismo na edad trempan

ORANJESTAD — Fundacion Autismo Aruba y Comision Nacional di Autismo ta organisa un Congreso pa Educador dia 14 di october, di 9:00 di mainta pa 4:00 di atardi, den ballroom di Aruba Marriott Resort & Stellaris Casino.

E evento, den cuadro di Learning Cities, ta dirigi na maestronan y profesionalnan cu ta traha cu muchanan di 0 te 6 aña. E programa ta inclui señalamento trempan di autismo, intervencion na tempo, diagnostico, participacion di mayornan y regulacion emocional.

Tambe lo trata bienestar di docente, trastorno di desaroyo di idioma y hermentnan practico pa sosten den scol. Organisacionnan di salud y cuido social lo ofrece informacion na standnan.

Minister di Educacion lo efectua e apertura oficial. Minister Gerlien Croes a expresa aprecio pa e iniciativa y su contribucion na educacion inclusivo.