Museonan di Saba y Sint Maarten ta haya subsidio pa investigacion di patrimonio

ORANJESTAD — Dos museo Caribense, Saba Archaeological Center Foundation y Sint Maarten National Heritage Foundation, ta entre 16 organisacion cu a ricibi un Beca pa Museo di organisacion Hulandes NWO, pa investigacion di patrimonio historico y cultural.

Na Saba, e subsidio lo sostene investigacion pa mehora conservacion y maneho di coleccionnan, den preparacion pa apertura di Saba Heritage Center na 2029.

Na Sint Maarten, e investigacion lo concentra riba historia di sclavitud, emancipacion, trabou y patrimonio cultural, pa haci e historia di isla mas accesibel na publico.

E subsidionan ta demonstra cu organisacionnan Caribense tambe por beneficia di fondonan Hulandes pa investigacion, un oportunidad relevante pa sector cultural di henter region, incluyendo Aruba.