- Front Page
- Politica
- Local
- Internacional
- Deporte
- Analisis
- Investiga
- Live
- LenguahePapiamento
- Aruba ta mira crecemento fuerte di turismo colombiano y latinoamericano
- Mas cu 2.000 aplicacion pa apenas 20 cas di FCCA ta confirma demanda urgente pa vivienda
- CUA: Falta di control ta castiga comerciante cu ta cumpli y ta laga mercado informal crece
- DVG ta urgi gruponan di risico pa vacuna contra influenza tur aña
- Aruba ta prepara siguiente consulta pa regla 30x30 di proteccion marino
- Aruba ta mira crecemento fuerte di turismo colombiano y latinoamericano
- Mas cu 2.000 aplicacion pa apenas 20 cas di FCCA ta confirma demanda urgente pa vivienda
- CUA: Falta di control ta castiga comerciante cu ta cumpli y ta laga mercado informal crece
- DVG ta urgi gruponan di risico pa vacuna contra influenza tur aña
- Aruba ta prepara siguiente consulta pa regla 30x30 di proteccion marino
Aruba ta mira crecemento fuerte di turismo colombiano y latinoamericano
ORANJESTAD — Aruba ta sigui fortalece su posicion como destino favorito den Caribe pa mercado colombiano y latinoamericano. Segun Darysse Croes, gerente di comunicacion global di Aruba Tourism Authority, e isla a ricibi 36.000 bishitante for di Colombia entre januari y juli di e aña aki, compara cu 34.000 na aña anterior.
Croes a atribui e crecemiento aki principalmente na mehora di conectividad aerea. Actualmente tin mas frecuencia di vuelo cu Avianca, Wingo y Copa Airlines, loke a haci Aruba mas accesibel pa bishitantenan for di Colombia.
Na nivel regional, Aruba a ricibi 183.000 bishitante latinoamericano entre januari y juli, compara cu 127.000 den mes periodo di aña anterior. Esaki ta representa un crecimiento di mas cu 40% y ta pone Latinoamerica como 18% di tur e llegadanan turistico pa Aruba.
Segun Aruba Tourism Authority, e bishitante colombiano ta mustra interes den diferente tipo di biahe, incluyendo vacacion familiar, romance, luna di miel, gastronomia, wellness, turismo medico, bishita familiar y negoshi.
Croes a subraya cu uno di e factornan cu ta distingui Aruba ta su hospitalidad, seguridad y oferta mas amplio cu solamente playa. Ademas, e campaña “Cuando amas Aruba, Aruba te ama” ta enfoca riba un turismo di “halto balor y poco impacto”, esta bishitantenan cu ta keda mas tempo, gasta mas y cuida e isla.
Pa resto di 2026, Aruba ta sigui apostando riba evento manera e festival gastronomico Auténtico na october, Aruba Fashion Week na november y diferente actividadnan familiar y cultural durante december.