DVG ta urgi gruponan di risico pa vacuna contra influenza tur aña

ORANJESTAD — Directie Volksgezondheid (DVG) ta recorda comunidad cu influenza no ta semper un griep simpel y cu e por causa complicacion serio, hospitalisacion y den algun caso hasta fayecimento.

E riesgo ta mas halto cerca personanan di 60 aña of mas, hende cu cierto condicion medico of sistema di defensa debilita, algun hende muher na estado cu indicacion medico y personanan inmobiel riba cama.

DVG ta recomenda pa esnan den grupo di risico vacuna contra influenza tur aña, pasobra e virus ta cambia regularmente y e proteccion di e vacuna ta disminui cu tempo. Vacunacion no ta garantiza proteccion completo, pero por reduci e riesgo di complicacion grave y generalmente haci e malesa menos severo.

Personanan di 60 aña of mas por haya e vacuna gratis cu nan carchi di AZV. Esnan menor di 60 cu ta pertenece na un grupo di risico mester presenta nan carchi di AZV y un recept di dokter di cas of specialista.

E vacuna ta disponible tambe pa cumpra pa Afl. 20 entre 1:30 y 3:30 di atardi. DVG ta recomenda vacuna prome of na principio di temporada di influenza, cu normalmente ta cuminsa rond di october.