NoticiaCla ta lansa encuesta tocante radio emisornan di Aruba

ORANJESTAD – Despues di diferente encuesta riba temanan cu ta toca comunidad Arubano, NoticiaCla ta lansa un encuesta nobo, e biaha aki enfoca riba stacionnan di radio di Aruba y preferencia di e publico.

Radio ainda ta forma un parti importante di bida diario na Aruba. Tur dia miles di persona ta scucha radio den auto, na trabou, na cas of via internet. Pero cua stacion ta logra capta mas atencion? Kico ta haci un oyente prefera un stacion riba otro? Y kico publico ta considera cu radionan local por mehora?

Cu e encuesta nobo, NoticiaCla kier haya un mihor idea di cua stacionnan di radio Arubano publico ta scucha, con frecuente nan ta scucha, pakico nan ta escoge cierto stacion y kico nan ta busca den radio local.

E intencion no ta solamente pa determina popularidad. E encuesta kier duna oyentenan oportunidad pa expresa nan opinion tocante contenido, musica, noticia, programanan, presentadornan y otro aspecto cu por influencia nan escogencia.

Resultado di e encuesta lo yuda crea un imagen mas cla di e posicion actual di radio na Aruba y di loke e publico ta desea for di e medio aki den futuro.

NoticiaCla ta invita tur persona na Aruba pa participa. Cada opinion conta, y un participacion amplio ta importante pa e resultado por refleha mihor e opinion di comunidad. E encuesta ta keda habri te diabierna 21 di augustus 2026 merdia. 

Pa participa den e encuesta, click AKI.