Super El Niño por trece secura y mas calor pa Aruba

MIAMI - Un El Niño excepcionalmente fuerte por tin impacto directo riba Aruba y e resto di islanan ABC. Temperatura di lama den Pacifico a subi considerablemente, creando condicionnan cu normalmente ta causa mas wind shear y aire mas stabil den Caribe.

Pa Aruba, esaki por significa menos yobida, mas dianan seco y temperatura mas halto. Segun e perspectiva presenta, riesgo di secura ta aumenta especialmente den parti sur di Caribe, incluyendo Aruba, Bonaire y Curaçao, y e condicionnan seco por sigui durante parti di e siguiente aña.

El Niño generalmente tambe ta dificulta formacion di ciclonnan tropical den Caribe, debi na aumento di wind shear, mas aire seco, posible presencia di mas stof di Sahara y biento mas fuerte. Esaki por resulta den menos actividad di huracan den Caribe.

Sinembargo, menos actividad tropical no ta elimina riesgo di tormenta of huracan, y Aruba mester sigui prepara durante temporada di huracan.