Chocó ta sigui tembla: varios sismo registra despues di e terremoto fuerte

CHOCÓ - Servicio Geológico Colombiano a registra varios temblor durante madruga di diabierna 14 di augustus na Chocó y Antioquia. E movimento nan tabatin magnitud entre 2,9 y 3,2.

E sismo mas fuerte di e madruga tabata di magnitud 3,2 na San José del Palmar, Chocó, cu un profundidad di 89 kilometer. Otro temblornan a wordo registra na Dabeiba, Sipí y El Litoral del San Juan.

E actividad sismico ta sigui despues di e temblor di magnitud 7,4 cu a sacudi Colombia dia 10 di augustus. Te awor, Servicio Geológico Colombiano a registra alrededor di 160 replica, di cual varios a supera magnitud 3.

Autoridadnan ta recomenda pueblo pa mantene nan plan di emergencia cla, identifica ruta di evacuacion y sigui informacion oficial.