St. Maarten ta urgi preparacion pa temporada di horcan, aukue no tin menasa directo

PHILLIPSBURG - Prome Minister di St. Maarten, Luc Mercelina, ta pidi habitantenan, negoshinan y bishitantenan pa usa e momento aki pa prepara pa posible mal tempo durante temporada di horcan Atlantico, auke e sistema cu ta bou observacion actualmente no ta representa un menasa directo pa St. Maarten.

Mercelina ta enfatisa cu sistemanan tropical por cambia rapidamente y cu preparacion no mester cuminsa ora un alerta   wordo emiti. Famianan ta wordo aconseha pa revisa nan plan di emergencia, tin suficiente awa, cuminda, remedi, flashlight, bateria y otro producto esencial na cas, y asegura objeto los rond di cas.

Atencion special mester wordo duna na muchanan chikito, adultonan mayor, personanan cu discapacidad y bestianan di cas. Gobierno tambe ta pidi publico pa sigui solamente informacion di Servicio Meteorologico, Gobierno y otro canal oficial, y verifica informacion prome cu comparti'e.

Mercelina su mensahe ta cla: no tin motibo pa panico, pero e mihor momento pa prepara pa un horcan ta prome cu un menasa yega