Colombia ta declara emergencia economico despues di temblor, sin subi impuesto

BOGOTA - Gobierno di presidente Abelardo De La Espriella ta prepara pa declara un emergencia economico y social despues di e temblor di magnitud 7,4 cu a sacudi Colombia dialuna y cu a causa daño den 593 municipio.

E medida lo permiti Gobierno actua mas lihe, emiti decreto cu forza di ley y libera fondo pa yuda victima y cuminsa reconstruccion di e zonanan afecta.

Minister di Finansa Miguel Gomez a indica cu Gobierno, pa awor, no tin intencion di introduci impuesto nobo. En cambio, Colombia ta prepara pa activa un credito di te US$450 miyon cu Banco Mundial, reorienta fondo den presupuesto di 2026 y haci recorte of pospone cierto gasto.

Gobierno tambe ta considera aplaza pago di impuesto riba renta pa algun contribuyente afecta. E costo total di reconstruccion ainda no ta conoci, ya cu evaluacion di daño ta continua.