Trump a cambia avion secretamente despues di menasa di Iran

WASHINGTON - Presidente di Merca Donald Trump a confirma cu despues di e cumbre di NATO na Ankara luna pasa, Servicio Secreto a haci’e cambia avion secretamente pa motibo di un posible menasa di atake cu misil relaciona cu Iran.

Segun medionan Americano y BBC, un persona cu aparentemente tabatin un lanzador di misil riba su schouder a wordo observa den cercania di Air Force One. Pa proteha Trump, Servicio Secreto a transport’e den un vehiculo di catering pa un avion militar diferente, mientras Air Force One a sigui su vuelo cu miembronan di su equipo, periodista y, segun reporta, ministronan Marco Rubio y Scott Bessent abordo.

Trump mes a bisa cu e avion militar posiblemente tabata hasta mas vulnerabel cu Air Force One. El a splica cu no a haci hopi pregunta tocante e menasa y simplemente a sigui instruccionnan di Servicio Secreto.

Na Reino Uni, Trump a bolbe riba Air Force One y a sali for di parti dilanti di e avion, creando impresion cu el a biaha den dje durante henter e trayecto.

E cambio di avion a keda secreto te cu The Washington Post a revela e operacion. Trump a bisa cu menasan contra dje ta algo cu ta pasa frecuentemente y cu hopi biaha publico no ta haya informacion tocante nan.