Colombia ta declara desaster nacional; 71 morto raporta despues di temblor

BOGOTA – Presidente Abelardo De La Espriella a declara desaster di caracter nacional na Colombia despues di e temblor fuerte di magnitud 7,4 cu a sacudi Colombia dialuna.

Segun informacion reporta pa Asocapitales, te ne momento aki, 71 persona a perde nan bida como consecuencia di e desaster. Colombia ta enfrenta asina uno di su tragedianan natural mas serio di ultimo añanan.

Den Valle del Cauca solamente, autoridadnan ta reporta 27 morto, entre nan cuatro mucha. Na Hospital Universitario del Valle, pacientnan ta wordo evacua como parti di e medidanan di emergencia.

Na Barranquilla, autoridadnan a activa un centro di coleccion pa ricibi ayudo destina pa personanan afecta pa e temblor.