Encuesta politico di Noticiacla ta sigui: ainda tin tempo pa laga bo opinion conta

ORANJESTAD – E encuesta politico di Noticiacla ta sigui habri y durante resto di e siman ainda tin oportunidad pa participa y laga bo opinion conta tocante situacion politico actual na Aruba.

Desde cu e encuesta a cuminsa, ciudadanonan ta compartiendo nan opinion tocante rumbo politico di nos pais, funcion di Gobierno y oposicion, y varios otro tema cu ta biba den comunidad. E participacion ta importante pa por forma un imagen mas amplio di con pueblo ta evalua e situacion actual.

Noticiacla kier invita especialmente esnan cu ainda no a yena e encuesta pa haci esey durante e dianan cu ta bin.

E meta no ta pa influencia opinion di ningun hende ni pa favorece un partido politico. E intencion ta pa tende directamente for di publico: Con satisfecho Aruba ta cu e rumbo actual? Unda pueblo ta mira progreso? Unda nan ta mira problema? Y con e panorama politico ta para si eleccion lo mester tuma luga awor?

Cada participacion ta yuda pa duna un imagen mas completo. P'esey ta importante cu no solamente esnan cu tin un opinion fuerte participa, sino tambe hende cu ta satisfecho, insatisfecho, indeciso of cu simplemente kier laga sa con nan ta mira e situacion.

E encuesta ta anonimo y ta tuma solamente algun minuut pa completa. Ainda no a participa? E siman aki ta bo oportunidad.

Noticiacla lo sigui colecta e contestanan durante resto di e siman y posteriormente presenta y analisa e resultadonan, pa asina publico por mira kico e encuesta ta revela tocante sentimento politico na Aruba. Bo opinion tambe ta conta. Pa participa, click AKI