Mariniernan ta duna asistencia militar durante buskeda den prizon di Sint Maarten

PHILLIPSBURG - E destacamento di Marina na Sint Maarten a asisti   durante un registracion di e facilidad correccional di Point Blanche riba e isla e siman aki. E operacion a wordo ehecuta pa controla posesion di contrabanda. Durante e buskeda a haya droga y diferente arma, incluso arma skerpi y arma di impacto.

E asistencia militar a wordo duna riba peticion di autoridadnan local. Marina a traha estrechamente cu Cuerpo Policial di Sint Maarten.

Meta di e operacion tabata pa garantisa un proceso sigur, ordena y efectivo. Ademas, e destacamento di Marina a contribui na seguridad tanto di e personal como di e detenidonan.

Sostene autoridadnan civil ta un di e tres tareanan principal di Ministerio di Defensa den region di Caribe. E cooperacion entre Defensa y Cuerpo Policial di Sint Maarten ta contribui na un ambiente sigur y stabil dentro di Reino.