Presidente nobo di Colombia ta huramenta awe

CALI – Abelardo de la Espriella ta huramenta awe, diabierna 7 di augustus, como presidente nobo di Colombia pa periodo 2026-2030. E ceremonia ta cuminsa rond di 3'or di atardi, ora di Colombia, y pa prome biaha den mas cu un siglo e toma di posesion no ta tuma lugar na Bogota, sino na Cali. Informacion publica awe ta confirma cu e ceremonia ta sigui programa pa e capital di Valle del Cauca.

De la Espriella ta sigui Gustavo Petro y ta cuminsa un Gobierno cu a pone seguridad y un posicion mas duro contra gruponan arma como algun di su prioridadnan principal. E cambio di poder ta marca tambe un cambio politico importante despues di cuatro aña di Gobierno di Petro.

E ceremonia na Arena USC na Cali ta conta cu presencia di delegacionnan internacional y autoridadnan Colombiano. De la Espriella inicialmente tabata desea tene e acto den un instalacion militar, pero despues di desacuerdo cu Petro, a opta pa Cali y un escenario civil.

E toma di posesion por wordo sigui live via canalnan oficial di Presidencia y Congreso di Colombia, television publico y diferente canalnan nacional.