Ombudsman ta bishita barionan pa atende kehonan di ciudadano

ORANJESTAD – Ombudsman di Aruba, mr. Jurima Bryson, ta lansa e campaña “Ombudsman den bario” pa acerca su servicionan mas na comunidad y duna ciudadanonan oportunidad pa entrega keho directamente y haya informacion y conseho independiente.

Durante e bishitanan, team di Bureau Ombudsman lo atende habitantenan, scucha nan preocupacionnan y brinda informacion tocante e posibilidadnan cu Ombudsman ta ofrece ora un ciudadano tin un keho contra un instancia segun ley.

E programa di bishita ta:

• MFA Paradera – 13 di augustus, 8:00 am – 12:00 pm

• MFA Savaneta – 20 di augustus, 8:00 am – 12:00 pm

• MFA Noord – 27 di augustus, 8:00 am – 12:00 pm

• MFA Santa Cruz – 3 di september, 8:00 am – 12:00 pm

• AEDA San Nicolas – 10 di september, 8:00 am – 12:00 pm

Personanan cu kier entrega un keho ta wordo pidi pa trece tur documento relevante.

Cu “Ombudsman den bario”, Bureau Ombudsman kier haci su servicio mas visibel y accesibel y, mediante contacto directo cu habitantenan, contribui na mas confianza entre comunidad y instancianan.