FCCA ta lansa campaña pa yuda 20 famia bira doño di cas y tereno

ORANJESTAD – Fundacion Cas pa Comunidad Arubano (FCCA) a lansa un campaña nobo, “Yabi den bo man”, cu tin como meta yuda 20 famia na Aruba bira doño di nan propio cas cu tereno den un solo pakete di hipoteca.

E proyecto ta inclui 17 cas tipo rijtjeswoning na Rooi Bosal y tres cas aparta na Shaba. E casnan ta bini completamente cla pa muda aden, eliminando e necesidad pa e cumprador mester busca financiamiento separa pa tereno y construccion.

Interesadonan por aplica online for di 17 di augustus 2026, mientras cu e periodo pa prepara y entrega documentacion ta cuminsa caba. FCCA ta bisa cu aplicacionnan lo wordo trata den e orden cu nan drenta, pa garantisa un proceso husto y transparente.

Segun FCCA, e campaña no solamente ta facilita acceso na vivienda pa famianan, sino tambe ta contribui na fortalece comunidad, pasobra tur ganashi di e fundacion ta wordo reinverti den proyectonan social y di vivienda.