ARUMIL ta haya un comandante nobo

ORANJESTAD – Capitan di Mariniers Glenn Werleman a cuminza oficialmente como e comandante nobo di ARUMIL (Militarnan Arubiano) entrante 1 di augustus. E ta asumi e cargo despues di a sirbi como adjudant di Gobernador di Corsou, su excelencia Mauritsz de Kort, un funcion unda e tabata encarga cu e agenda oficial di e Gobernador, coordinacion di bishitanan oficial, acompañamento durante actividadnan oficial y supervision di e protocol oficial.

Su traslado ta parti di e rotacion regular di personal den Ministerio di Defensa. Gobernador di Corsou a nombra un sucesor Esther Vermue cu a cuminza riba e mesun fecha.

ARUMIL ta forma parti di e presencia militar di Reino Hulandes den Caribe y ta traha hunto cu Koninklijke Marine. E organizacion ta duna apoyo na operacionnan militar, entrenamentonan, asistencia durante calamidadnan y otro misionnan di seguridad. Den e ultimo añanan, Aruba tambe a traha riba profesionalisacion di ARUMIL pa fortalece su posicion y su rol den e cadena di seguridad.

Riba e potret cu ta acompaña e articulo, Capitan Glenn Werleman ta hunto cu sr. Tito Laclé di Noticiacla.