- Front Page
- Politica
- Local
- Internacional
- Deporte
- Analisis
- Investiga
- Live
- LenguahePapiamento
- Sondeo record ta descubri nuebe obheto nobo den lama di Aruba
- HOH ta hiba Gobierno corte pa AWG 29 miyon di cuido sin paga
- Vroegop riba menasa contra dje: “Menasa di morto ta pasa tur limite ”
- Minister Dowers ta compaña Rob Jetten na Asamblea General di ONU
- Diferencianan den ley di privacidad ta stroba cooperacion di seguridad den Reino
- Sondeo record ta descubri nuebe obheto nobo den lama di Aruba
- HOH ta hiba Gobierno corte pa AWG 29 miyon di cuido sin paga
- Vroegop riba menasa contra dje: “Menasa di morto ta pasa tur limite ”
- Minister Dowers ta compaña Rob Jetten na Asamblea General di ONU
- Diferencianan den ley di privacidad ta stroba cooperacion di seguridad den Reino
Sondeo record ta descubri nuebe obheto nobo den lama di Aruba
ORANJESTAD — Expedicion Inkfish Aruba a completa e sondeo multibeam mas extensivo conduci te awendia den lama di Aruba. Durante tres siman di investigacion for di RV Hydra, e ekipo a scan tur obheto conoci y identifica por lo menos nuebe obheto nobo na costa west di e isla.
E operacion, conclui dia 12 di september 2026, a combina mapa multibeam, photogrammetry y investigacion di barconan hundi y rifnan. Tambe a colecta e prome muestranan di environmental DNA (eDNA) na Aruba. Esakinan lo yuda investigadornan compronde e relacion entre herencia cultural bou awa y e ecosistema marino rond di e sitionan.
E expedicion tabata un cooperacion entre Museo Arqueologico Nacional Aruba (MANA), IDNOVA, Aruba Conservation Foundation (ACF) y organisacion filantropico marino internacional Inkfish. Preparacion basa riba investigacion di arkeologo Arubano Raymundo Dijkhoff a yuda identifica y prioritisa e sitionan pa sondeo.
Arkeologo Harold Kelly di MANA y ecologo Oriana Wouters di IDNOVA a participa directamente cu e ekipo internacional. Asina nan a gana experiencia cu metodonan avansa, mientras cu Aruba a keda directamente involucra den coleccion y interpretacion di e data.
Un Memorandum of Understanding firma pa Minister di Cultura Mike Eman ta garantisa cu e informacion cientifico colecta lo keda accesibel pa Aruba. E data lo sostene investigacion, educacion y proteccion di herencia cultural bou awa.
Awor ta sigui procesamiento di e gran cantidad di informacion cartografico, fotografico y cientifico. Ta spera cu e resultadonan completo wordo presenta na maart of april 2027.