Aruba ta e localidad cu e crecemento mas rapido den personal di Reino Hulandes

ORANJESTAD – Aruba ta destaca como e localidad cu e crecemento mas rapido den personal di Rijksoverheid (Gobierno di Reino Hulandes), segun dato di Revelio Labs publica na juli 2026.

E informe ta indica cu Rijksoverheid tin aproximadamente 1.781 empleado na nivel mundial, un aumento di 33,7% compara cu 2023. Mas cu 97% di e personal ta traha na Hulanda, pero Aruba ta sobresali cu e crecemento mas fuerte.

Segun e dato, Rijksoverheid tin actualmente cuater empleado na Aruba, un aumento di 100% den un aña..Aunke e cantidad ta relativamente chikito, Aruba ta e pais cu e crecemento porcentual mas halto entre tur e localidadnan unda Rijksoverheid tin personal.

Na mes momento, e gobierno Hulandes ta sigui recluta personal, cu 206 vacante activo na 2026. Sinembargo, e cantidad di vacantenan a baha significativamente compara cu aña pasa, indicando cu e demanda pa personal ta disminui.

E mayoria di e empleadonan di Rijksoverheid ta traha den Finance y Operations (44,6%), sigui pa Engineering (35,9%) y Sales & Marketing (19,5%). Revelio Labs tambe ta indica cu e sentimiento entre empleadonan ta positivo y a mehora durante 2026.

Pa Aruba, e informe ta mustra un tendencia di crecemeento den presencia di personal di Reino Hulandes, aunke e numero absoluto di empleadonan ainda ta limita.