Aruba ta den e mihor destinacionnan pa biaha cu bo cacho

ORANJESTAD – Aruba a haya un mencion special den un articulo internacional cu ta presenta e siete mihor destinacionnan pa hende cu ta biaha cu nan cacho. Segun e autora di viaje Becca Blond, Aruba ta destaca como uno di e islanan mas amigabel pa mascotanan den henter Caribe.

E autora ta conta cu Aruba a bira su destino preferi pa spring break cu su cacho, danki na e beachnan cu ta acepta mascota  y e cantidad di restaurantnan dog-friendly, incluyendo Papiamento, Taste My Aruba y Hadicurari Restaurant.

Ademas di beach, e articulo ta pone enfoke riba San Nicolas, describiendo e ciudad como un museo den aire liber cu mas cu 50 mural y obra di arte. Tambe ta recomenda e Aruba Mural Tour, un recorrido guia cu, segun e autora, ta wordo conduci door di artista local Tito, cu ta traha pa pone Aruba riba mapa como un destino di arte.

Pa doñonan di cacho, Baby Beach ta wordo menciona como un di e mihor lugarnan pa bishita, danki na su awa trankil y poco hundo, ideal pa mascota.  

Den e lista completo, Aruba ta comparti lugar cu destinacionnan manera Alaska, Barcelona, Italia, Highway 1 na California, New Orleans y Berlin.