30 alumno ta gradua cu exito na Fundacion Educar pa Transformar

ORANJESTAD – Fundacion Educar pa Transformar (FET) a celebra su ceremonia di graduacion, unda 30 alumno a ricibi nan diploma despues di completa cu exito capacitacion den Facial, Masaje y Emprendemento, e ultimo den colaboracion cu HP Foundation.

Durante e programa, e participante nan a haya entrenamentu teorico y practico pa fortalece nan habilidadnan profesional y prepara nan pa cuminsa of amplia nan propio negoshi.

Segun FET, cada diploma no solamente ta marca e final di un curso, sino tambe perseverancia, crecemento personal y e decision pa inverti den futuro. E fundacion a reafirma su compromiso pa sigui brinda educacion di calidad y crea oportunidadnan pa personanan cu kier desaroya nan talento.