Avion chikito ta cai na Peru: 13 morto, incluyendo turistanan Europeo

NAZCA, Peru – Un avion chikito cu tabata transportando turistanan a cai den suroeste di Peru, causando morto di tur 13 persona abordo. Entre e victimanan tabatin 11 turista y dos piloto. Segun autoridadnan Peruano, e turistanan tabata di Italia, Alemania y España. E accidente a sosode cerca di Nazca, un destino hopi conoci unda bishitantenan ta tuma buelo pa mira e famoso Lineanan di Nazca, cu ta Patrimonio Mundial di UNESCO.

Informacion preliminar ta indica cu e avion, di compañia local Aerodiana, a sali for di Pisco, pero poco despues a perde altura rapidamente y a cai, pa despues pega candela.

Autoridadnan di aviacion di Peru a cuminsa un investigacion pa determina e causa di e accidente. No ta e prome tragedia di e tipo den e area. Na 2022, tres Hulandes a perde nan bida den un accidente similar, mientras cu na 2010, cuatro turista Britanico tambe a muri.