Celebrity Reflection lo bishita Aruba cu experiencia nobo for di 2027

ORANJESTAD – Compañia di crucero Celebrity Cruises a presenta su renobacion completo di e barco Celebrity Reflection, cu lo ofrece 13 experiencia nobo a bordo ora e bolbe Caribe for di maart 2027.

Pa Aruba, e noticia ta importante, pasobra e itinerarionan nobo di seis y ocho anochi ta inclui bishita regular na Aruba, Corsou y Boneiro, hunto cu Turks & Caicos y Grand Cayman. E barco lo sali durante henter aña for di Fort Lauderdale, mientras cu cruceronan mas cortico tambe lo bishita Key West y Bahamas.

Segun presidenta di Celebrity Cruises, Laura Hodges Bethge, e proyecto ta mucho mas cu un renovacion di un barco.

“Nos ta sigui busca manera nobo pa innova y mehora e experiencia di nos bishitanan. Cu Celebrity Reflection, nos a crea 13 espacionan nobo pa haci vacacion ainda mas inolvidabel.”

Cu e renovacion aki, Celebrity Cruises ta busca fortalece su oferta den Caribe y sigui atrae turista cu ta bishita destinacionnan manera Aruba durante henter aña.