Corsou ta gana Nicaragua 12-3 den Little League World Series

WILLIAMSPORT – Corsou a logra un victoria contundente di 12-3 contra Nicaragua den Little League Baseball World Series, cu un ofensiva fuerte y un actuacion solido di su lanzadornan.

Corsou a pone presion for di principio y a construi un bentaha di 10-0 den segundo inning. Entre e batazonan clave tabatin un hit di Jaymiel Antonia cu a manda Naeem Angel Coeriel cas, un hit di Juriënsly De Windt cu a produci dos anotacion, y un doble di Ruendrikson Leuteria cu a manda otro carrera cas.

E ofensiva di Corsou a sigui produci den sexto inning. Q'Jeaume Valks a conecta un hit pa centr, mientras cu dos anotacion adicional a drenta despues di un error defensivo, hibando e marcador na 12-3.

Riba monticulo, Giendry Ryan a controla e ofensiva rival den e ultimo partinan di e partido. Den di cinco inning el a elimina tres bateador pa strikeout, y den di seus inning el a logra cera e partido sin permiti Nicaragua bolbe acerca den marcador.

Cu e victoria di 12-3, Corsou ta sigui mustra su poder ofensivo y profundidad di pitching den e torneo internacional.