Wever: Subsidio ta contribui na bahada di prijs di combustibel

ORANJESTAD – Minister Geoffrey Wever a anuncia cu, for di 8 di juli, prijs di gasolin, diesel y kerosin lo baha, danki tanto na e caida di prijsnan internacional como na e subsidio temporal introduci pa Gobierno.

Segun Wever, Gobierno a dicidi mantene 50% di e subsidio pa sigui proteha poder di compra di consumidor, mientras cu e caida di e prijsnan internacional tambe ta permiti un ahuste den accijns sin pone presion adicional riba pueblo.

E minister a enfatisa cu e decision ta forma parti di un maneho financiero responsable, cu ta busca un balans entre proteccion di consumidor y sostenibilidad financiero di Pais. Gobierno lo sigui monitorea e mercado internacional pa adapta e prijsnan local conforme e desaroyonan mundial.