Xiomara Maduro(MEP): “Insiguridad ta costa mas cu inversion den siguridad”

ORANJESTAD – Durante e debate publico tocante e situacion na Korrectie Instituut Aruba (KIA), Parlamentario Xiomara Maduro a declara cu e actual crisis ta resultando den gastonan creciente pa Pueblo di Aruba y a pidi cu Gobierno duna mas transparencia y aclaracion riba su maneho di seguridad.

Maduro a critica e decision pa kita e controlpoortnan y bagagescans sin un sistema nobo operacional, y a pidi informacion riba e decision, e evaluacion di riesgo y e presupuesto pa reemplasa e ekiponan. El a adverti tambe cu un eventual emergencia no mester wordo usa pa evita transparencia den compranan urgente.

Ademas, Maduro a recorda cu UNOPS ya a presenta un plan pa un prizon nobo, cu un inversion estimá di 119 miyon dollar, pero Parlamento ainda no a ricibi e documentonan prometi despues di reunionnan cu Hulanda. El a conclui cu e falta di decision ta sigui costa Pueblo di Aruba y a exigi mas responsabilidad, planificacion y transparencia di Gobierno.