- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Venezuela y Hulanda reforsa relacion: enfoque riba turismo cu Aruba, Corsou y Boneiru
CARACAS – Iván Gil a confirma cu Venezuela y Hulanda ta busca fortalece nan relacion bilateral, incluyendo un enfoke particular riba turismo cu e islanan Hulandes den Caribe.
Segun e canciller, a tuma luga un reunion cordial cu Tom Berendsen, unda tur dos parti a reafirma nan compromiso cu bon bisiñedad y cooperacion mutuo.
“Hemos sostenido un reunion cordial cu e Minister di Asuntonan Exterior di Reino Hulandes, Tom Berendsen. Den e encuentro aki, nos a reafirma e compromiso di Venezuela cu bon bisiñedad y fortalecemento di relacionnan bilateral, asina tambe fomento di turismo cu e islanan Hulandes di Aruba, Corsou y Boneiru,” Gil a declara.
Ademas, Venezuela a transmiti su interes pa amplia cooperacion economico cu empresa Hulandes, enfoca riba varios sector strategico den economia venezolano. Entre e area principalnan menciona ta agricultura, energia y transporte.
Gobierno venezolano ta pone enfoke riba atrae inversion internacional y reforsa lazonan economico cu Hulanda, mientras cu e islanan manera Aruba lo por beneficia di un impulso nobo den turismo y colaboracion regional.
Premier hulandes Rob Jetten hospitalisa na Boneiru despues di reaccion alergico
KRALENDIJK – Minister-presidente hulandes Rob Jetten a sufri un reaccion alergico mainta temprano na Boneiru despues di wordo pica posiblemente pa un animal marino of insecto durante un momento di landamento den laman.
GGD: Riesgo ta abou pa e virus di hanta na Boneiru y region Caribeño
KRALENDIJK – A base di mensahenan reciente internacional tocante diferente caso di e virus di hanta riba un barco crucero, GGD Bonaire / Salubridad Publico di Entidad Publico di Boneiru ta informa cu e riesgo pa Boneiru y e region caribeño ta hopi abou na e momento aki.
Boneiru ta observa premier Jetten atentamente tocante cambio climatico
BONEIRU – Durante su bishita na Caribe Hulandes, premier Rob Jetten ta wordo observa atentamente na Boneiru tocante su posicion riba cambio climatico. Esaki despues cu un huez den Hulanda a dicta cu gobierno Hulandes mester haci mas pa proteha Boneiru contra consecuencia di cambio climatico, un decision cu Hulanda awor ta apelando.
Na Boneiru, UPB, MPB y Serberie ta forma coalicion nobo
KRALENDIJK – Union Patriotiko Boneriano (UPB), Movementu di Pueblo Boneriano (MPB) y miembro independiente Salma Serberie lo forma hunto un coalicion di gobierno nobo.
KLM Airbus A330 ta para na Bonaire: avion ta warda pa piezanan
KRALENDIJK - Un avion Airbus A330 di KLM a keda para dialuna anochi na aeropuerto di Bonaire pa motibo di un defecto tecnico. E buelo KL767 a sali di Aruba cu destino pa Amsterdam, cu un escala na Bonaire Flamingo International Airport, pero e no por a sigui cu su biahe.
Boneiru a pidi Hulanda pa intervencion urgente contra subida di prijs
KRALENDIJK - Kolegio Ehekutivo di Boneiru a pidi gobierno di Hulanda pa tuma accion rapido pa frena e subida di prijs riba e isla. Pa motibo di tension den Medio Oriente y problema den transporte maritimo, gastonan di karga a subi, loke ta pone cuminda y kombustibel bira mas caro.
Follow NoticiaCla
