Aruba ta prolonga ciere di frontera cu Venezuela te juni 2026

ORANJESTAD / CARACAS - Aeropuerto Internacional Reina Beatrix di Aruba a confirma cu suspension di buelonan entre isla y Venezuela ta sigui vigente, segun notificacion aeronautico A0205/26 emiti dialuna. Medida ta extendi restriccion te 27 di juni, sin cambio compara cu aviso anterior. E decision ta mantene trafico aereo cera den ambos direccion, y ta inclui tanto vuelo comercial como aviacion general, incluyendo transporte di pasajeronan, carga y correo.

Asina, tur operacionnan aereo regular y no regular entre Aruba y Venezuela ta keda suspendi durante e periodo indica, asina cu aerolineanan y operadornan lo mester sigui ahusta nan ruta pa opcionnan alternativo mientras prohibicion ta na vigor. “Prohibicion di vuelo entre Aruba y Venezuela ta keda vigente te 27 di juni 2026”, asina ta indica den e comunicacion oficial di autoridad aeroportuario.

RESTRICCIONNAN TA SIGUI PROLONGA DESCONEXION CU VENEZUELA

Den ultimo lunanan, e restriccion aki a wordo renoba varios biaha, depende di condicionnan politico y di seguridad entre e dos paisnan, y evaluacion di situacion operacional den espacio aereo regional. Fuente nan den sector aeronautico a indica cu e decision ta sigui basa riba criterio di seguridad y coordinacion internacional, den un contexto unda actividad militar y riesgo den region a causa diferente ajuste den ruta comercial . Expertonan a adverti cu prolongacion di e restriccionnan a afecta conectividad directo entre Venezuela y islanan ABC, obligando aerolineanan pa usa conexion indirecto of para rutanan completo.

Pa awor, notificacion A0205/26 ta confirma cu no tin cambio inmediato den politica aereo di Aruba pa Venezuela, asina cu cierre lo keda vigente te fecha indica of te ora un decision oficial nobo determina otro.