Comision ta entrega evaluacion: Reforma ta avanza, pero implementacion ainda ta poco atrasa

ORANJESTAD – Un evaluacion intermedio di cooperacion di reforma den Reino ta mustra cu progreso a wordo logra, pero cu hopi reforma ainda no a yega na fase completo di implementacion. E Comision di Evaluacion a presenta su informe na Prome Minister Mike Eman y Minister Gerlien Croes, indicando cu desde 2020 cooperacion entre Aruba, Corsou, Sint Maarten y Hulanda a fortalece, incluyendo apoyo di expertonan via e organizacion TWO. Aunke e colaboracion a logra pasonan importante, e informe ta conclui cu mas esfuerso ta necesario pa consolida e resultado nan. Paisnan ta keda responsable pa nan propio desaroyo, cu cooperacion como instrumento pa fortalece autonomia y capacidad.

Gobierno di Aruba ta considera e evaluacion como un base importante pa sigui traha riba reforma sostenibel, cu enfoke riba implementacion, prioridad cla y fortalecemento institucional den e siguiente fase.